Un referèndem ta un forma pa puntra pueblo direktamente su opinion tokante un asuntu importante. Por ta trata di un konsulta di pueblo, despues di kua gobernashon insular ta tuma un desishon. Un referèndem por enserá tambe ku gobernashon ta obligá di ehekutá e desishon ku pueblo tuma den un referèndem. Komo ku e referèndem benidero tin aspektonan den dje di derecho di outodeterminashon, ta pidi pueblo pa dia 15 di mei 2009, skohe un opshon ku gobernashon mester hasi kaso di dje. Ta importante si pa votadónan sa bon kla kiko e tema di e referèndem ta enserá pa nan por hasi un eskoho. P’esei e Komishon di Referèndem ta duna mas tantu informashon posibel tokante tema di e referèndem 2009, manera ta e kaso den e promé boletin akí.
Lesa mas