Na e referèndem di dia 15 di mei 2009 ta pidi bo indiká si bo ta aprobá tur e areglonan ya menshoná òf nò. Klaro ku esei ta difísil, komo ta trata di hopi asuntu distinto ku bo no por kompará nan fásilmente bon ku otro. Sinembargo, Konseho Insular a stipulá ku e referèndem ta trata di e pakete total di medida, manera a keda fiha na e Konferensha di Mesa Rondó. P’esei ta pone ‘resultado di e Konferensha di Mesa Rondó’ bo dilanti. Manera a bisa kaba, ta trata di e Konferensha di Mesa Rondó di 15 di desèmber 2008. Ta pidi bo skohe si bo ta aprobá òf nò e resultado ei. Práktikamente ta trata di e pregunta ku si bo ta haña ku bo ta aprobá òf nò henter e pakete.

Komo ta trata di futuro di un Kòrsou outónomo den Reino, a agregá esei na e pregunta, pasobra ta pa esei den e referèndem di 2005 un mayoria di pueblo a skohe p’e.
Den e hòki di votashon lo presentá bo e pregunta di e siguiente forma: