Tur hende ku tin derechi di vota na elekshonnan pa miembro di Konseho Insular tin derechi di vota na e referèndem benidero tambe. Úniko dos kosnan ku lo ta otro ta: (1) ku un votadó mester ta inskribí den e registro elektoral di Kòrsou por lo ménos sesenta dia promé ku fecha di e referèndem i (2) ku pa e referèndem benidero a baha e edat mínimo di votadónan te 16 aña. Tur siudadano di Kòrsou ku lo tabatin derechi di vota na elekshonnan regular i, den e kaso akí ademas, esnan ku tin 16 aña o mas tambe por vota dia 15 di mei 2009.